Eit strategispel for heile familien! – der turen rundt bygda kan vera berre velstand eller ein veg mot bankerott.

Vaks du opp på Voss på 80- og 90-talet, er det gode sjansar for at du har hatt mykje moro med brettspelet “Spelet om Voss” gjeve ut i 1987. Voss er ei bygd i stadig utvikling, så ei oppdatert sentrumsteikning måtte sjølvsagt til når eit nytt Vossaspel skulle lagast.

Anne-May Hofseth, som har laga det nye spelet, ville behalda det leikne uttrykket med handteikna illustrasjonar, og har difor tatt akvarellpenselen fatt. Me har designa alle element – alt frå sentrumsteikninga til pengesetlane, på oppdrag frå Norevik AS.